ABŞ prezidenti Barak Obama büdcə defisiti ilə bağlı yeni planlar açıqlamağı planlaşdırır. Bu planlar sırasına ildə bir milyon dollardan çox qazanan adamlar üçün minimum vergi daxildir.
Mediada dolaşan xəbərlərə görə plan “Baffett Qaydası” adlanır. Plan milyarder investor Vorren Baffetin adı ilə bağlıdır.O, dəfələrlə qeyd edib ki, super varlı amerikalılar orta sinif vətəndaşlardan daha az vergi verirlər.
Prezident 9.1 faizlik işsizliyə qarşı mübarizə aparmaq üçün ötən həftə 447 milyard dollarlıq təkliflə çıxış edib.