Polis İndoneziyanın qərbindəki həbsxanadan qaçan 100-dən artıq məhbusu yaxalamağa çalışır. Məhbuslar dua üçün ayrılan vaxt mühafizəçilərə müqavimət göstərib, qaçmağa müvəffəq olmuşdular.
Açe vilayətinin paytaxtının polis rəsmisi cümə günü bildirib ki, 20-dən çox məhbus artıq saxlanılıb. Əlavə edilir ki, həbsxandakı çaxnaşma zamanı mühafizəçilərdən biri yüngül zədə alıb.
Həbsxanadan qaçış İndoneziyada tez-tez müşahidə edilən hadisədir. Buna səbəb həddindən çox məhbusun olduğu həbsxanalardan vəsait çatışmazlığına görə mühafizəçilərin sayının az olmasıdır.