Yaponiyanın Amerikanı İkinci Dünya Müharibəsinə cəlb edən Pearl Harbor hücumundan 70 il ötür. 1941-ci ilin dekabr ayının 7-də həyata keçirilən hücumun ildönümü Havay adalarında qeyd edilib. Hadisədən sağ qurtulanlar, müharibə veteranları 3000 nəfərlik iştirakçılar arasında olub. Yerli vaxtla səhər saat 7:55-də, Yaponiya İmperatorluğunun gözlənilməz hücumu həyata keçirdiyi vaxt bir dəqiqəlik sükut elan edilib. Paytaxt Vaşinqtonda İkinci Dünya Müharibəsi abidəsi önünə əklillər qoyulub.
ABŞ prezidenti Barak Obama hücumda həlak olanların xatirəsini anaraq, onların şücaətinin yeni nəslin formalaşmasına yardım etdiyini deyib.
