Yəmənin paytaxtı Sənada on minlərlə insan prezident Əli Abdulla Saleh və onun yüksək vəzifələrdəki qohumlarının istefa vermələri və ölkəni tərk etmələri tələbi ilə nümayiş keçirib. Bu gün keçirilən nümayişlərdə cənab Salehin ölkənin təhlükəsizliyinə başçılıq edən ailə üzvlərinin kənarlaşdırılmasına çağırılıb.
Aksiya iştirakçıları Prezident Qvarduyasının komandanı, Yəmən liderinin oğlu Əhməd Salehin də vəzifəsini tərk etməsini tələb ediblər.