ABŞ prezidenti Donald Tramp Twitter səhifəsində irqçi olmadığını bildirərək, Konqresin Nümayəndələr Palatasında dörd qadın qanunverici haqda açıqlamlarına görə kəskin tənqidləri rədd edərək, öz mövqeyindən geri çəkilmir. Trampın sosial mediada Konqresdə ağ irqə mənsub olmayan dörd qanunverici qadın – İlhan Ömər, Aleksandriya Okazio-Kortes, Ayan Pressli və Rəşidə Tleyb haqda söylədikləri irqçi və ksenofobiya məzmunlu kimi qəbul edilir.
Tramp çərşənbə axşamı günü Twitter səhifəsində açıqlamlarının irqçi məzmun daşımadığını deyərək, dörd qadını kəskin tənqid edərək, onların “ölkəyə nifrət etdiyini” bildirib.
Those Tweets were NOT Racist. I don’t have a Racist bone in my body! The so-called vote to be taken is a Democrat con game. Republicans should not show “weakness” and fall into their trap. This should be a vote on the filthy language, statements and lies told by the Democrat.....
— Donald J. Trump (@realDonaldTrump) July 16, 2019
Demokratların nəzarətində olan Nümayəndələr Palatasında çərşənbə axşamı günü prezidentin dörd qadın qanunvericini hədəf alan irqçi açıqlamalarını qınayan qətnamənin səsə qoyulması planlaşdırılır.
Nümayəndələr Palatasında əksəriyyətin lideri Steni Hoyer səsvermə keçiriləcəyini elan edib və deyib ki, o, respublikaçıların “ölkəni partiyadan irəli qoyacağına” və demokratlarla bərabər qətnaməyə səs verəcəyinə ümid bəsləyir.
Qətnamə Nümayəndələr Palatasında azlıqda olan respublikaçılar tərəfindən pislənib.
Tramp bazar günündən başlayaraq, Twitter səhifəsində Nümayəndələr Palatasının dörd qadın üzvünü hədəf alan mesajlar paylaşıb.
SEE ALSO: Trampın Konqresin qadın üzvlərini hədəf alan tvitləri geniş reaksiyalar doğurubO, proqressiv demokrat qadın qanunvericilərin Birləşmiş Ştatları tərk etməli olduğunu deyib. Müxbirlər ona “onların haraya getməli olduğu” haqda sual verib.
“Bu onların işidir. Haraya istəyirlər oraya, ya da onlar qala bilərlər. Lakin onlar bu ölkəni sevməlidirlər. Onlar bu ölkəyə nifrət etməməlidirlər”, Tramp kabinet üzvləri ilə görüş zamanı bildirib.
Tramp əlində saxladığı kağızı göstərərək, deyib ki, “qadın Konqres üzvləri tərəfindən deyilənlər o qədər pisdir ki, o bunları oxumaq belə istəmir”.
“Bu, mənim fikrimdir, onlar bizim ölkəyə nifrət edir” – deyə, prezident əlavə edib.
Konqresə seçilən ilk iki müsəlman qanunverici olan İlhan Ömər və Rəşidə Tlayib Trampın impiçmentinə çağırıblar.