Yeni ilin başlanğıcı yeni qətnamələrin və vədlərin başlanğıc vaxtıdır. Nyu-York ştatı 2020-ci ili bir sıra qadağalarla qarşılamaq qərarına gəlib. Ştatın qubernatoru Endryu Kuomo mühacirlərə yardımdan tutmuş, ev heyvanlarını qorunmasına qədər təxminən 700 qanuna imza atıb.
Yeni İl gəldi və bu, Manhetten və Empire State-də yeni qanunların başlanğıcı deməkdir. Siyahıda ilk sırada 2020-ci ilin mart ayından etibarən Nyu-York ştatında plastik torbalara qadağa qoyulacaq. Onlar 5 sentə satılan kağız və ya təkrar istifadə edilə biləcək, parçadan hazırlanmış torbalarla əvəz ediləcək. Yaxşı fikirdir, ətraf mühitin qorunmasına yardım edəcək. Artıq bir şox ştat bunu edir” deyə, Nyu-York sakini bildirir.
Bu qərarı sürətləndirən ətraf mühitə qayğı Manhettenin pul ödəməklə işlək ərazilərinə avtomobillə girmək də daxil olmaqla, bir sıra digər qadağaların da əsasında durur. Tullantıların azaldılması ilə yanaşı, bu, Nyu-Yorkun mərkəzində sürücülər və piyadalar üçün nəzərdə tutulan yollarda hərəkətə yardım edəcək. Lakin bu qanun 2021-ci ilə qədər qüvvəyə minməyəcək.
Digər Nyu-York sakini isə “Onsuz da çətinlik çəkirik. Mən buna pul ödəmək istəmirəm, çox sağ olun” deyir.
Yaxın gələcəkdə dəyişikliklkəri təkcə sürücülər görməyəcək. Nyu-York Şəhər Şurası delikotes üçün quşların zorla yedizdirilməsinə qadağa qoyduğu üçün ördək və qaz paşteti sevənlər də bu təamla vidalaşmalı olacaq. Fermerlərin və restoran sahiblərinin etirazlarına baxmayaraq, 2022-ci ildən başlayaraq Nyu-yorklular dəbli yeməklər yemək üçün başqa menyulardan istifadə etməli olacaq.
Xəz dərilərə qadağa istər ona qarşı olanlar, istərsə də bu qanunu dəstəkləyənlər tərəfindən güclü reaksiyalarla qarşılanıb. Mübahisələrə baxmayaraq, bir çox nyu-yoklu bu qərarı dəstəkləyib. Belə ki, bu, süni dəridən istifadə edənlərə ucuz başa gələcək, mağazalar isə süni dəridən olan malları daha çox satacaq.
Harlem məhəlləsinin sakinləri də yeni qadağaya qarşı çıxıb - lakin fərqli səbəblərdən. Onlar Şəhər Şurasına yazdıqları məktubda xəz-dəri məhsullarının Afrika-Amerika mədəniyyətində əhəmiyyətini vurğulayıb.
Xəz-dəri sənayesi dövlət iqtisadiyyatının əhəmiyyətli bir hissəsidir və ABŞ-ın bütün xəz-dəri paltolarının təxminən 80 faizl Nyu-York ştatında istehsal olunur. 10 mindən çox insan bu sahədə işləyir, eləcə də onilliklər boyu bu bizneslə məşğul olan ailə şirkətləri var. Lakin 2020-ci ildən başlayaraq təbii xəz-dəri dövrü Nyu- York üçün bağlanacaq.
Bir sıra problemləri əhatə etməyə çalışaraq, Nyu York ksenofobiya probleminə də xüsusi diqqət verib. Nyu York Şəhər İnsan Hüquqları Şurası "qeyri-qanuni xarici" ifadəsini işlədilməsini qadağan edərək, qanunu pozanların 250 min dollar cərimə ediləcəyinə söz verib. Nyu-York Şəhər Şürasından Kori Conson: “İnsanlar deportasiya maşını haqda danışır və bu, doğrudur. Bu, hər gün baş verir. Onlar bacardıqları qədər çox sənədsiz nyu-yorklunu deportasiya etməyə çalışır.”
Bundan əlavə, bu yeni qanuna görə, Nyu-Yorkdakı mühacirlər hüquqi statuslarından asılı olmayaraq, qanuni şəkildə sürücülük vəsiqəsi ala bilər. Bu sənəddən yalnız avtomobil sürmək üçün istifadə edilə bilər. Onlar nə səs verə bilər, nə də bu sənədlə ABŞ daxilində uçmaq üçün istifadə edə bilər.
Digər bir mübahisəli qanun isə əvvəllər valideynlərin din də daxil olmaqla, hansısa səbəbdən uşaqlarının peyvənd edilməsinə icazə verilməməsi ilə bağlıdır. İndi bütün uşaqlar və şagirdlə əks göstəriş olmadıqda, peyvənd ediləcək.