“Ümumiyyətlə Türkiyədə Azerbaycan yaxşı tanınmır. Güney Azərbaycan da, Quzey də. Biz çox arzu edirik ki, Türkiyədə bu maraq artsın. Amma marağı artırmaq üçün biz də hərəkət etmək məcburiyyətindəyik,” Ankara Universitetinin müəllimi Nəsib Nəsibli söyləyir.
Your browser doesn’t support HTML5
Nəsib Nəsibli Amerikanın Səsinə danışır
Tarixçi alim Amerikanın Səsinə müsahibədə bu yaxınlarda Türkiyədə nəşr etdiyi “Güney ilə Quzey Azərbaycan Sorunları” adlı kitabı haqqında danışıb.
Mən Ankara universitetində bir dərs keçirəm; İran və Türklər dərsi. Buradakı materiallar bizim dərsimizdə istifadə olunur.
Ankarada Təbriz Araşdırmaları İnstitutu tərəfindən nəşr edilən kitabda hazırda İran Azerbaycanı və Azərbaycan Respublikasında aktual olan məsələlər ilə bərabər “Güney Azərbaycanda Milli Hərəkatın dünəni və bu günü”, “Sovet Rejimi və Türklük” və “Pan-İranizmin doğuşu və Türklük” kimi başlıqlar altında bölmələr yer alıb.
Nəsib Nəsiblinin dediklərinə görə, yeni kitabın ünvanı məzmunla əlaqəli olmaqdan əlavə bir növ simvolik məna da daşımaqdadır.
“Mənim üçün önəmli olan Güneylə Quzey adının bir yerdə getməsi idi... Bir zamanlar bizim dostlarımız çox təkidlə Quzey Azərbaycanın nümayəndələrindən tələb edirdilər ki, Azərbaycan deyəndə bunun quzey ya güney tərəflərini dilə gətirin. Mən bunu doğru bir tələb hesab edirəm... Quzey Azərbaycan deyəndə bu sual yaranır ki, demək bunun bir də güneyi var.”
Özünü dərk və milli kimlik məsələsinin Azərbaycanın ən həssas məsələsi olduğunu vurğulayan tarixçi alim kitabda bu mövzuya ağırlıq verildiyini bildirir.
Ankara Universitetinin müəllimi yeni kitabının tələbələr və ümumiyyətlə Türkiyədə İranla maraqlanan oxucular üçün bir mənbə mahiyyətində olduğunu ifadə edir.
Biz çox arzu edirik ki, Türkiyədə bu mövzuya maraq artsın amma marağı artırmaq üçün biz də hərəkət etmək zorundayıq
“Mən Ankara universitetində bir dərs keçirəm; İran və Türklər dərsi. Buradakı materiallar bizim dərsimizdə istifadə olunur. Əlbəttə ki, bu kitab həm tələbələr, həm də kütləvi olaraq İran türklüyü və ümumiyyətlə İranla maraqlananlar üçün gərəkli bir qaynaq ola bilər,” deyə Nəsibli söyləyir.
Azərbaycan Respublikasının İrandakı sabiq səfiri əlavə edir, “ümumiyyətlə Türkiyədə Azərbaycan yaxşı tanınmır... Kitablar çap olur, amma Azərbaycanı tanıdan kitablar çox azdır... Bu milli hərəkatın da önəmli problemlərindən biri kimi dəyərləndirilməlidir... Biz çox arzu edirik ki, Türkiyədə bu maraq artsın, amma marağı artırmaq üçün biz də hərəkət etmək zorundayıq.”