NATO Həqqani şəbəkəsinin yüksək rütbəli liderini öldürüb

NATO Əfqanıstanda Kabil otelinə hücum edən yaraqlılara yardım etməkdə şübhəli bilinən Həqqani şəbəkəsinin yüksək rütbəli liderini öldürüb. Bəyanatda NATO İslam Can və bir neçə Həqqani döyüşçüsünü Paktiya vilayətində hava hücumu zamanı öldürdüyünü bildirib. Koalisiya Canın Əfqanıstanda Həqqani komandirinin müavini olduğunu, əfqan və koalisiya qüvvələrinə qarşı döyüşən bir qrup yaraqlıya rəhbərlik etdiyini deyib. Bundan başqa bu gün Əfqanıstanda yolkənarı partlayış nəticəsində NATO-nun iki əsgəri həlak olub.