Azərbaycan Demokratik Cumhuriyyətinin qurucusu Məmməd Əmin Rəsulzadə Amerikanın səsi vasitəsilə Azərbaycan xalqına müraciət etmişdi
Azərbaycan Demokratik Cümhuriyyətinin qurucusu Məmməd Əmin Rəsulzadənin səs yazısı 60 ilə yaxındır radiomuzun arxivində qorunub saxlanır.
Məmməd Əmin Rəsulzadə 1953-cü il mayın 28-də Azərbaycanın Cumhuriyyət günü Amerikanın səsi radiosunun verdiyi imkandan istifadə edərək Azərbaycan xalqına müraciət etmişdir. Həmin illər bu, Azərbaycan xalqına müraciət üçün Məmməd Əmin Rəsulzadəyə verilən yeganə imkan idi.
1953-cü ilin 28 mayında Amerikanın səsi radiosu Azərbaycan Cumhuriyyətinin qurucusunun müsahibəsini yayımlayanda, artıq Rəsulzadənin özü də, onun qurduğu Demokratik Cumhuriyyət də çoxlarının zehnlərindən silinmişdi.
Amerikanın səsinin arxivində saxlanan müraciəti təqdim edirik.