Britaniya polisi Londonda bir neçə nəfərin yaralandığını, iki nəfərin öldüyü və bir nəfərin güllə ilə vurulduqdan sonra saxlandığını xəbər verib.
Polis hadisənin terrorla bağlı olduğundan şübhələnir.
Police were called at 1:58pm to a stabbing at premises near to London Bridge. Emergency services attended, including officers from the Met and @CityPolice.A man has been detained by police. We believe a number of people have been injured. Further info to follow.
— Metropolitan Police (@metpoliceuk) November 29, 2019
Polis bildirib ki, əvvəlcə yerli vaxtla gündüz saat 14.00 radələrində şəhərin London Bridge metro stansiyası yaxınlığında iki nəfərin bıçaqlanması ilə bağlı çağırış alıb.
Reuters agentliyi bildirir ki, bu insidentin ardınca polis bir nəfəri güllə ilə vurub. Hakimiyyət orqanları London Bridge metro stansiyasını və yaxınlıqdakı dəmiryolu stansiyasını bağlayıb.
London Bridge körpüsü üzərinə nəqliyyat tıxacının yarandığı xəbər verilir.
Britaniyanın baş naziri Boris Conson hadisənin gedişatını izlədiyini yazır.
"I’m being kept updated on the incident at London Bridge and want to thank the police and all emergency services for their immediate response." — Prime Minister Boris Johnson
— UK Prime Minister (@10DowningStreet) November 29, 2019
"Mən London Bridge körpüsündəki hadisə ilə bağlı məlumatlandırılıram. Polis və təcili yardım xidmətlərinə təşəkkürümü bildirirəm" , baş nazir yazıb.
İki il bundan əvvəl eyni yerdə avtofurqon piyadaların üstünə sürülmüş və burada bıçaqlanmalar olmuşdu. O hücum nəticəsində 8 nəfər ölmüş, 48 nəfər xəsarət almışdı.
Bu ayın əvvəllərində Britaniya hökuməti ölkədəki terror təhlükəsi səviyyəsini “kəskin” şkalasından “əhəmiyyətli” şkalasına endirmişdi.