Livanda yüzlərlə insan ölkənin təriqətlər əsasında qurulmuş siyasi sisteminə etiraz edərək nümayiş keçirib. Beyrutda keçirilən nümayiş iştirakçıları dünyəvi hökumətin yaradılmasına çağırıb. Livanın hazırkı siyasi sisteminə əsasən, ölkə prezidenti xristan, baş nazir sünni, parlamentin spikeri isə şiə müsəlman olmalıdır. Bu təriqətlərdən hər biri Livan əhalisinin təxminən üçdə birini təmsil edir. Bu sistem digər ərəb ölkələrində on illərlə hakimiyyətdə olan avtoritar rejimlərdən fərqlidir. Yaxın Şəqdə hərəkatlardan sonra ruhlanmış livanlılar nümayişi təşkil etmək üçün Facebook sosial şəbəkəsinin veb saytından istifadə ediblər.