Rusiya İsveçrənin Moskvanın iştirakı olmadan Ukrayna ilə bağlı sülh planı üzrə Cenevrədə mümkün danışıqlara dair irəli sürdüyü ideyanı "gülünc" adlandırıb.
Bu xəbər silah və şəxsi heyət baxımından sayca daha çox olan Ukrayna qüvvələrinin ölkənin şərqindəki ikinci məntəqədən geri çəkildiyi vaxt yayılıb.
İsveçrə prezidenti Viola Amherdin neytral ölkəsinin yüksək səviyyəli sülh konfransına ev sahibliyi etməyə hazır olduğunu deməsindən sonra Ukrayna prezidenti Volodimir Zelenski fevralın 25-də dünya liderlərinin sülhə dair baxışlarını müzakirə etmək üçün yaxın aylarda İsveçrədə sammitin keçiriləcəyinə ümid etdiyini bildirib.
"Ümid edirəm ki, bu [zirvə toplantısı] bu yaz baş tutacaq. Biz bu diplomatik təşəbbüsü əldən verməməliyik" - deyə Zelenski bildirib və yekun sülh təşəbbüsünün Moskvaya təqdim ediləcəyini gözlədiyini əlavə edib.
Lakin fevralın 26-da Kremlin sözçüsü Dmitri Peskov bu ideyanı "qəribə" adlandırıb.
"Bizim anladığımız qədər gündəmdə olan məsələ Cenevrə platforması adlanan qəribə bir platforma - Zelenskinin sülh planını müzakirə etmək üçün keçiriləcək konfransdır", Peskov deyib.
"Biz dəfələrlə demişik ki, bu, ən azı qəribə razılaşmadır, çünki bəzi sülh planları Rusiyanın iştirakı olmadan müzakirə olunur və bu, özlüyündə ciddi deyil və hətta gülüncdür" - deyə, Peskov həftəlik mətbuat konfransında bildirib.
Bu arada, Qərb ölkələrinin 20-yə yaxın lideri və yüksək səviyyəli rəsmiləri müharibənin üçüncü ilinə qədəm qoyduğu bir vaxt Avropanın Ukraynanı dəstək əzmini gücləndirmək üçün fevralın 26-da Parisdə bir araya gəlir.
"Biz [Rusiya prezidenti Vladimir] Putinə çox aydın mesaj göndərmək istəyirik ki, o, Ukraynada qalib gəlməyəcək", Fransa prezidenti Emmanuel Makronun müşaviri jurnalistlərə təcili təşkil olunmuş görüşlə bağlı deyib.
"Məqsədimiz onun bir şəkildə qalib gələcəyinə inanmağımızı istədiyi bu fikri dağıtmaqdır" - deyə, Makronun müşaviri bildirib.