Beynəlxalq Atom Enerjisi agentliyi Yaponiyada Fukişima nüvə elektrik stansiyasında yaranmış böhranla əlaqədar nüvə elektrik stansiyalarında təhlükəsizlik prosedurlarına dair xüsusi zirvə görüşü keçirəcək. Agentliyin başçısı Yukiya Amano deyib ki, sammitin iyul ayında Vyanada keçirilməsi planlaşdırılır. Onun sözlərinə görə, burada Yaponiyada nüvə böhranına qiymət verilərək, onun dərslərinin öyrənilməsi və bu kimi fəlakətlərə beynəlxalq cavab verilməsi yolları müzakirə ediləcək. Beynəlxalq Atom Enerjisi agentliyi Yaponiyada fəlakətə gec cavab verilməsi və böhranla bağlı informasiyanın bölüşdürülə bilməməsi ilə əlaqədar tənqidlərlə qarşılaşıb.