Fələstinlilərin prezidenti Mahmud Abbas Fələstin dövlətinin BMT-də tanınması üçün səyləri davam etdirməyə söz verib. Bu, ABŞ və Avropa diplomatları Yaxın Şərqdə sülh perspektivlərinə mane ola biləcək prosesin qarşısını almağa çalışdığı vaxt baş verir. BMT-nin Baş katibi Ban Ki Mun cənab Abbasla bu gün Nyu-Yorkda görüşüb. BMT-nin verdiyi məlumata görə, baş katib cənab Abbasa fələstinlilərin dövlətin tanınması haqda birtərəfli təklifindənsə, danışıqlara daha çox üstünlük verdiyini deyib. Lakin cənab Abbas öz fikrində qətidir. O bu gün müxbirlərə deyib ki, ABŞ və İsrailin addımın sülh danışıqlarına mane ola biləcəyi haqda xəbərdarlıqlarına baxmayaraq, Fələstin dövlətinin tanınması səylərini davam etdirəcəyini deyib.