Papa Fransis dünya müsəlmanlarının liderlərini İslam naminə terrorçuluğu pisləməyə çağırıb.
İstanbuldan Romaya gələn təyyarədə müxbirlərə müsahibəsində Roma Papası deyib ki, bu çağırış Qərb ölkələrində səhvən terrorçuluqla müsəlmanları eyniləşdirməni məhv etməyə yardım edəcək.
Papa deyib ki, o üç günlük səfərində eyni mesajı Türkiyə prezidenti Rəcəb Tayyib Ərdoğana da çatdırıb.
Papanın mesajı aylardır İslam Dövləti ekstremistlərinin Suriya və İraqda şiə müsəlmanları, xristianlar və digər təriqətlərdən olan insanları öldürməsi ilə eyni vaxta təsadüf edir.