İranın ali ruhani lideri çərşənbə günü hökumətin benzinin qiymətinin artırması ilə əlaqədar İslam Respublikasında baş qaldıran son etirazların Birləşmiş Ştatların İrana qarşı "qəsd"inin bir hissəsi olduğunu deyib. Bu o deməkdir ki, İran hökuməti nümayişlərin miqyasını etiraf etməyə başlayıb.
İranın ali ruhani lideri Ayətulla Əli Xameneyi bunu nümayişlərin dağıdılmasına yardım edən İnqilab Keşikçiləri Qvardiyasının könüllü Bəsic qüvvələrinə müraciət edərkən deyib.
Bununla yanaşı, millət vəkillərindən biri artıq 7 mindən çox etirazçının həbs edildiyini, təhlükəsizlik rəsmisi isə etirazçıların İranın dövlət televiziyasını ələ keçirməyə çalışdıqlarını bildirib.
İran hökuməti benzin qiymətinin artmasına qarşı noyabrın 15-dən bəri başlayan və günlərlə davam edən kütləvi aksiyalar zamanı həbs edilənlər, ölənlər və xəsarət alanlar barədə məlmat verməyib.
Amnesty International etirazlar başlayandan bəri azı 143 nəfərin öldüyünü və İran isə buna heç bir sübut göstərmədən iddiaları rədd edir.
Çərşənbə günü İranda Bəsicin yaranmasının 40-cı ildönümü qeyd edilir.