İranda tələbələr və müəllimlərin hüquq müdafiəçiləri mayın 9-da bir təhsil sistemində vəziyyətin pisləşməsi, tələbə, müəllimvə valideynlərin sistematik şəkildə sıxışdırılmasına qarşı ümummilli mitinqlər keçirmək üçün bir araya gəlib.
"Qadın, Həyat və Azadlıq" adlanan aksiyaya çağırışa İran Təqaüdçülər Şurası, Məşhədin Firdovsi Universitetinin tələbələri, Tehran və Buşəhrin "İnqilabçı Tələbələr"i də olmaqla, bir sıra təşkilatlar qoşulub.
İran Müəllimlər Birliyinin Koordinasiya Şurası keçən həftə "Müəllimlərin statusunun xatırlanması" mövzusunda dərc etdiyi bəyanatda iranlı təhsil işçilərini mayın 9-da, İranda ilk uşaq bağçasının və 1920-ci illərdə eşitmə qabiliyyəti olmayanların təhsil sisteminin qurucusu Cabbar Bağçıbanın doğum günündə toplaşmağa çağırıb.
Etirazçılar təhsil üzrə rəsmilərin yol verdiyi səhvləri, qızlar məktəblərində şübhəli zəhərlənmə dalğası, müəllim fəal Hüseyn Mehdipurun öldürülməsi və hökumətin müəllimlərin maaşlarını verə bilməməsi kimi məsələlərə toxunan bir sıra bəyanatlar və sosial media şüarları ilə çıxış edib.
Müəllimlər Həmkarlar İttifaqının Koordinasiya Şurası İslam Respublikasının davranışının "müsbət dəyişikliklər üçün heç bir ümid olmadığını" bildirərək, etirazlara səsini əlavə edib.
Müəllimlərin bir neçə aksiyası, həyat səviyyəsinin aşağı düşməsi, maaşların verilməməsi ilə bağlı etirazlar İranı keçən ilin yayından bəri bürüyüb. İranda əmək qanunvericiliyi işçilərin müstəqil Həmkarlar İttifaqı yaratmasına imkan vermir.
22 yaşlı Məhsa Əmininin sentyabr ayında baş ötüyünü düzgün örtməməsi iddiası ilə polis nəzarətində olarkən ölümünə qarşı ölkədə baş qaldıran etirazların rəsmilərin sərt və bəzən ölüm halları ilə nəticələnən ölçüləri yeni iğtişaşlara səbəb olub.