İran prezidenti İbrahim Rəisi bazar günü deyib ki, İsrail-HƏMAS qarşıdurması başlayandan bər Qəzzanın bombardmanını davam etdirməsi "hər kəsi hərəkətə keçməyə məcbur edə bilər".
İsrail rəsmiləri bildiriblər ki, Fələstin ərazisinə zərbələri HƏMAS silahlılarının oktyabrın 7-də sərhədi keçərək, əksəriyyəti mülki əhali olmaqla, 1400-dən çox insanı öldürməsindən sonra endirir.
Səhiyyə Nazirliyinin məlumatına görə, HƏMAS-ın idarə etdiyi 2,4 milyon insanın yaşadığı yoxsul bir anklava bombardman başlayandan bəri 8000-dən çox insan öldürülüb ki, onların yarısı uşaqdır.
"Sionist rejimin cinayətləri qırmızı xətləri keçib və bu, hər kəsi hərəkətə keçməyə məcbur edə bilər" - deyə, Rəisi əvvəllər Twitter olan X hesabında bildirib.
Rəisi "Vaşinqton bizdən heç nə etməməyi xahiş edir, lakin onlar İsrailə geniş dəstək verməkdə davam edir" deyib.
Rəisi İran rəsmilərinin tez-tez Livanda Hizbullahı, Yəməndə Husiləri, İraq və Suriyada digər şiə qüvvələri kimi müttəfiqlərinə istinadən istifadə etdiyi ifadəni işlədərək, "ABŞ "Ox Müqaviməti" qüvvələrinə mesajlar göndərib, lakin döyüş meydanında cavabını alıb" - deyə, yazıb.
Onun nəyi nəzərdə tutduğu bəlli olmasa da, Qəzza münaqişəsi başlayandan bəri İraq və Suriyada ABŞ qüvvələrinə ardıcıl hücumların, eləcə də Livan sərhədində Hizbullahla İsrail qüvvələri arasında atışmaların artdığı müşahidə olunur.
HƏMAS-a maliyyə və hərbi dəstək verən İran oktyabrın 7-də hücumlarını uğur kimi qiymətləndirib.
Lakin İran İsrail rəsmilərinin hesablamalarına görə, 230 nəfərin də girov götürüldüyü hücumda əli olmadığını israr edib.
İRNA xəbər agentliyi İran prezidentinin şənbə günü Əl-Cəzirə telekanalına verdiyi müsahibəsindən sitat gətirib: "İran müqavimət qruplarına dəstək verməyi öz vəzifəsi hesab etsə də, müqavimət qrupları öz fikirlərində, qərarlarında və hərəkətlərində müstəqildir".