Möttəki vəzifədən çıxarıldığına görə prezident Əhmədinejadı tənqid edib

İranın keçmiş xarici işlər naziri Mənuçehr Möttəki keçən həftə prezident Mahmud Əhmədinejad tərəfindən vəzifəsindən azad edilməsini təhqiredici və qeyri-islami addım kimi qiymətləndirib. Mehr xəbər agentliyi Mənuçehr Möttəkiyə istinadən bildirib ki, Seneqala səfər etməzdən əvvəl cənab Əhmədimejad ona vəzifəsindən kənarlaşdırılacağı haqda heç bir söz deməyib. Prezidentin sözçüsü dünən Möttəki ilə vidalaşma mərasimində onun qərbi Afrikaya səfərdən öncə işdən çıxarıldığını bildirdiyini deyib.