Yunanıstanda azı 74 nəfərin ölümü ilə nəticələnən yanğınlardan sonra xilasedicilər bu gün də yanan evlərdə və avtomobillərdə axtarışları davam etdirib.
Yanğının ən güclü olduğu Afina şəhəri yaxınlığındakı Rafina limanına sahildə və suda da axtarışlar aparılması üçün çox sayda insan göndərilib.
Xəstəxanalarda əsasən yananlar olmaqla, 200 nəfərə qədər insan müalicə olunur. İtkin düşənlərin sayı hələ də rəsmi olaraq bildirilməyib.
Yanğınsöndürənlərin yanğınla mübarizəni davam etdirdiyi bir vaxt, sinoptiklər bu gün regionda yağış yağacağı barədə məlumat verib.