Yunanıstan rəsmiləri cümə axşamı ölkənin şimal-şərqinə əlavə 100 yanğınsöndürən göndərib. Rəsmilər sakinləri mümkün evakuasiyaya hazır olmağa çağırıb.
Yunanıstan üçün gərgin yanğın mövsümünün bir hissəsi olaraq, avqustun 19-da başlayan yanğın geniş meşə sahələrini və evləri məhv edib. Keçən həftə cəsədləri Türkiyə ilə sərhədə yaxın ərazidə tapılan 20 miqrantın ölümünə də yanğınların səbəb olduğu deyilib.
Son günlərdə ölkə daxilində yanğınları törətməkdə şübhəli bilinənlərin hamısının yunan olmasına baxmayaraq, yanğına görə miqrantların məsuliyyət daşıya biləcəyi ilə bağlı iddialar xaricilərə qarşı sayıqlığın artmasına səbəb olub.
Yunanıstanın Yanğınsöndürmə İdarəsinin bildirdiyinə görə, cümə axşamı Aleksandrupolis və Evros bölgəsinə göndərilən - 9 Avropa ölkəsindən 10 təyyarə və 7 helikopterin dəstəyi orada yerləşdirilən yanğınsöndürənlərin ümumi sayını 582-yə çatdırıb.
Bu il Yunanıstanda baş verən meşə yanğınları zamanı yanğınsöndürən təyyarənin iki nəfərlik heyəti də daxil olmaqla, ümumilikdə 26 nəfər həlak olub.
Yunanıstanın baş naziri Kyriakos Mitsotakis hökumətinin yanğınlara reaksiyasını müdafiə edərək deyib ki, böyük ölçüdəki yanğınlara səbəb iqlim dəyişikliyi və çox güclü küləklərin ardınca uzun sürən istilik dalğası olub.
Siyasi müxalifət hökumətin builki meşə yanğınları mövsümünə hazır olmadığını iddia edib. "Siz ölkəni bu təhlükəyə qarşı hazırlıqsız və müdafiəsiz ", SİRİZA ana müxalifət partiyasından Sokratis Famellos deyib.