Fransanın Sosialist Partiyasının üzvləri gələn il ümumilli seçkilər zamanı prezident Nikola Sarkozi ilə rəqabətə girə biləcək namizəd uğrunda seçkilərin ikinci raundunu keçirib. İlk dəfə baş tutan Amerikasayağı ilkin seçkilər Sosialist Partiyasının veteran üzvü Fransua Hollandla sabiq əmək naziri Martin Obri arasında keçirilib. Holland 56 faiz, Obri isə 44 faiz səs toplayıb.
İkinci müddət prezident yarışlarına qoşulacağı təxmin edilən prezident Sarkozy iqtisadi siyasətinə görə tənqidlər altındadır.