Bir çox ölkədə COVID məhdudiyyətləri ibadət yerlərində toplanmalara qadağa qoyur. Fransa kilsələrində tətbiq olunan məhdudiyyətlər katoliklərinin etirazlarına və küçələrə axışmalarına səbəb olub.
Pandemiya Fransa dindarlarına ağır bir yükdür. Karantinə baxmayaraq, ibadət yerləri açıq olsa da, sağlamlıq problemləri səbəbindən ibadətlərin müntəzəm keçirilməsi qadağandır.
Fransanın bir çox katolikinin fikrincə, ibadətlərin rəsmilər tərəfindən “vacib olmayan” kimi qiymətləndirilməsi və bu səbəbdən dayandırılması cəfəngiyyatdır.
Paris yaxınlığındakı Nanterre şəhərinin yepiskopu, katolik Matye Ruj məhdudiyyətlərin katoliklər üçün müqəddəs bir şeyə zidd olduğunu deyib.
“Fransa katolikləri bazar günü keçirilən ən vacib ibadət üçün bir araya gələ bilmədiklərinə görə əzab çəkir. Bir çoxları müştəri ilə dolu supermarketdə alış-veriş etməyin mümkün olduğunu, lakin sağlamlıq tədbirlərinə riayət etməklə bir araya gəlməyin qadağan olunğunu başa düşmür” - deyə, Ruj bildirib.
İbadət məsələsinə gəldikdə təhlükəsizlik səbəbilə sosial məhdudiyyətlərə qətiyyətlə qarşı çıxan bəzi katoliklər ibadətlərini küçədə etməyə qərar verib. Onlar hökumətdən kommunal xidmətlərə icazə verilməsini xahiş edib.
Fransanın baş naziri Jan Kasteks bazar ertəsi ölkənin fərqli dinlərindən olan nümayəndələri ilə görüşərək, hökumətin mövqeyini aydınlaşdırmaq və dekabrın 1-dən, məhdudiyətlərin qaldırılmasından sonra din ocaqlarının yenidən açıla biləcəyinə əmin etməyə çalışıb.