Əfqanıstanın yeni prezidenti Əşrəf Qani səlahiyyətlərinin icrasına başlayandan sonra ilk xarici səfərini Səudiyyə Ərəbistanına edir. O, hakimiyyətə gələrdə dini mərasimdə iştirak üçün Səudiyyə Ərəbistanına gedəcəyinə söz vermişdi.
Cənab Qaninin ofisinin açıqladığı bəyanatda deyilir ki, prezident Məkkəni ziyarət edərək Ümrə borcunu yerinə yetirəcək. Bu, ziyarət ilin hər bir zamanı həyata keçirilə bilər.
Yeni dövlət başçısı habelə Səudiyyə kralı Abdulla və başqa rəsmilərlə görüşməyi planlaşdırır.
Cənab Qani inaqurasiya mərasimində Ümrə üçün Səudiyyə Ərəbistanına gedəcəyinə söz vermişdi.