Prezident İlham Əliyev səhiyyə, təhsil, elm və elmi tədqiqat müəssisə, idarə və təşkilatlarında çalışan işçilərin sosial müdafiəsini gücləndirmək məqsədilə sərəncam imzalayıb.
Prezident həmçinin Daxili İşlər Nazirliyinin xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə maaşlarının orta hesabla 10 faiz artırılması barədə sərəncam imzalayıb.
Sərəncamlara əsasən, dövlət büdcəsindən maliyyələşdirilən adı çəkilən sahələrdə çalışan işçilərin Vahid Tarif Cədvəli ilə müəyyən edilmiş aylıq vəzifə (tarif) maaşları 2016-cı il fevralın 1-dən orta hesabla 10 faiz artırılır.