Prezident İlham Əliyev rabitə və yüksək texnologiyalar naziri Əli Abbasovun vəzifədən azad ediməsi barədə sərəncam imzalayıb.
Yeni nazir hələ təyin edilməyib. Abbasovun vəzifədən azad edilməsinin səbəbləri açıqlanmır.
Xatırladaq ki, bu il oktyabrın 17-də milli təhlükəsizlik naziri Eldar Mahmudov vəzifədən azad edildikdən sonra rabitə və yüksək texnologiyalar nazirliyinin bir neçə yüksək vəzifəli əməkdaşı, o cümlədən Bakı Telefon Rabitə İstehsalat Birliyinin ditrektoru və nazirliyin aparat rəhbəri saxlanılıb.