Noyabrın 8-də Şərqi Azərbaycan vilayətində baş verən zəlzələdə ölən 10 yaşlı məktəbli Zəhra Abididən təqribən bir il əvvəl çəkilmiş bir video sosial medianın gündəmindədir.
Sosial mediada paylaşılan video keçən il İran televiziyası Şərqi Azərbaycan kanalının ‘Kəndimiz’ proqramında yayımlanıb.
Zəhra Abidi Miyana şəhərinin Vərənkeş kəndində yaşayırdı. O, videoda təhsil aldığı kəndin ibtidai məktəbinin problemlərini dilə gətirib, etirazını bildirir.
اللهیاری، مجری برنامه کندیمیز شبکه سهند خبر داد که:"دخترک خوشزبان سفرنامه هایم به روستاهای آذربایجان در زلزله امروز جانشان را دست دادند. تا آرزو هایشان را برای داشتن یک مدرسه و ساختن آینده این سرزمین در زیر خروارها خاک بماند.ریحانه و زهرای قصه های کندیمیز خداحافظ😔#زلزله pic.twitter.com/bxHCHc1TGb
— yousef (@mounesiyousef) November 8, 2019
“Müəllimimiz yoxdur. Biz iki sinifliyik, dərs oxuyanmırıq. Biz əvvəldə çox qəşəng dərs oxurduq. İndi riyaziyyatımız hər nəmnəmiz gedibdi dalıya. İndi biz dərs oxuyanmırıq. İkinci və üçüncü sinif qarışıqdır. Bizim İctimai [dərsimiz] olanda ikinci sinifin Fars [dili dərsi] var. Müəllim gedib ikinci sinifə deyir, bizim İctimai [dərsimiz] qalırdı.”
“Sən niyə bu cür hirslisən?,” kəndimiz proqramının muxbiri Zəhradan soruşur. Zəhra cavabında deyir ki, “gərək hirslənəm da! Bilirsən, gərək mən gedəm məmləkətimi düzədəm.”
بو اینسانلاری دویان وارمی؟#زلزله #ورنکش #ورزقان #تورکمنچای #مییانا #ساراب #آذربایجان pic.twitter.com/tYv91OHxCc
— Ruzbeh Saadati (@Ruzbeh_Saadati) November 10, 2019
Bu günlərdə bir çox sosial media istifadəçisi zəlzələ ilə bağlı yazı və görüntüləri #GərəkHirslənəm haştaqı ilə paylaşır. Onlar həmçinin yazırlar ki, “arzularına çatmadan həyatını itirən” kiçik Zəhra etiraz və tənqidlərini “böyüklərdən daha gözəl və təsirli bir şəkildə” dilə gətirib.
بیر دنه فرشته قیزیمیز حیاتینی الدن وئردی و بوتون امید و آرزولارینی تورپاقلار آلتینا آپاردی.او بیزیم یادیمیزا سالدی کی گرک سسسیز قالمایاق و باشاردیقجا عدالتسیزلیگه اعتراض ائلهیک.#گرک_حیرصلهنم
— seccad zeynali (@seccadzeynali) November 8, 2019
Səccad Zeynalı adında bir istifadəçi Twitter hesabında belə yazıb: “Bir dənə firiştə (mələk) qızımız həyatını əldən verdi və bütün ümid və arzularını torpaq altına apardı. O, bizim yadımıza saldı ki, gərək səssiz qalmayaq və başardıqca ədalətsizliyə etiraz eyləyək.”
Zəlzələ nəticəsində Vərənkeş kəndində Reyhanə Qurbani adlı 13 yaşında başqa bir məktəb şagirdi də həyatını itirib.