Çin ABŞ-a Dalay Lama ilə rəsmi görüşlər keçirməmək barədə xəbərdarlıq verib

Çin ABŞ-a hazırda Vaşinqtonda olan Dalay Lama ilə rəsmi görüşlər keçirməmək barədə xəbərdarlıq verib. Çinin Xarici İşlər Nazirliyinin sözçüsü Hong Li deyib ki, Çin torpaqlarının parçalanmasını dəstəkləyən hər bir xarici dövlətə qarşıdır. Çin Dalay Lamanı Tibeti Çindən ayırmaq cəhdlərində görə ittiham edir. Tibetin dünən 76 yaşı tamam olan ruhani lideri ABŞ Dövlət Departamentində Amerikanın Tibetə yardımlarını müzakirə edib. Dalay Lama bundan əlavə ABŞ siyasətçiləri ilə də görüşməlidir. Mart ayında o, Hindistandakı Tibet hökuməti rəhbərliyindən istefa verib. Dalay Lamanın prezident Obama ilə rəsmi görüşü planlaşdırılmayıb.