Onlardan 2-nin cəsədi hələ də tapılmayıb
Azərbaycan Daxili İşlər Nazirliyi avqustun 6-da Bakının Xəzər rayonunda Şimal DRES qəsəbəsinin çimərliyində batan uşaqlar barədə məlumat yayıb.
Məlumata görə, qəsəbə sakinləri Aydan Fərziyeva və qardaşı Hüseyn, Kəmalə Əliyeva və qardaşları Elgün və Fariz çimərkən suda boğulublar.
A.Fərziyevanın, H.Fərziyevin və E.Əliyevin meyitləri sudan çıxarılıb, digərlərinin meyitlərinin tapılması istiqamətində tədbirlər davam etdirilir.
Avqustun 6-da hava küləkli olub, lakin dənizdə fırtına olmayıb. Müşahidəçilər belə şəraitdə 5 nəfərin birdən batmasına şübhə ilə yanaşır.