Hazırkı müdafiə naziri Robert Geytsin bu il vəzifəsini təhvil verəcəyi gözlənilir
ABŞ mətbuatının verdiyi məlumata görə, prezident Barak Obamanın Mərkəzi Kəşfiyyat Agentliyinin rəhbəri Leon Panetanı Müdafiə Nazirliyinin rəhbəri təyin edəcəyi gözlənilir. Mətbuat Əfqanıstanda hərbi əməliyyatlara rəhbərlik edən ordu generalı Deyvid Petrausun kəşfiyyat rəhbəri Panetanın yerinə təyin ediləcəyini yazılır. Məlumatda veteran diplomat Rayn Krokerin ABŞ-ın Əfqanıstana yeni səfiri vəzifəsinə təyin ediləcəyi də bildirilir. Vəzifələrə dair qərar Senatın təsdiqini əldə etməlidir. Hazırkı müdafiə naziri Robert Geytsin bu il vəzifəsini təhvil verəcəyi gözlənilir.