"Bu, hamımızın birləşib, xeyirxah iş görməyimiz üçün bir şansdır"

Təsisçisi olduğu kodlaşdırma məktəbində çalışan Elşad Ağayev tələbələrinin ona verdiyi ideyanı genişləndirərərək “Xilas et” adlı platforma yaradıb. Platformanın əsas məqsədi təcili qana ehtiyacı olan insanlara operativ formada donor tapmağa yardım etməkdir. Vətəndaşlar 'xilaset'.org saytına daxil olub məlumatları yerləşdirərək qeydiyyatdan keçə və anında könüllü donor ola bilər. Hər bir qan verən donor birbaşa xəstə ilə əlaqəyə keçə biləcək. Eyni zamanda, sayt vasitəsilə təcili qan çatışmazlığı ilə əlaqədar elanların da yerləşdirilməsi mümkündür. Elşad deyir ki, könüllüləri tapmaq kənardan asan görünsə də, əslində bir xəstəni xilas etmək üçün bəzən 1 nəfərin köməyi yetmir. Ona görə o, insanlara qeydiyyatdan keçmələri üçün çağırış edir.