ABŞ-ın kəşfiyyat rəsmiləri Mançester hücumunun məsuliyyətini İŞİD-n daşıdığını hələ təsdiq etməsə də, bunun dünyada terror təhlükəsinin reallığına işarə olduğunu bildirib.
ABŞ-ın Milli Kəşfiyyat İdarəsinin direktoru Den Koats deyib ki, hücumun məsuliyyətini İŞİD üzərinə götürdüyünü iddia etsə də bununla bağlı heç bir dəlil əldə edilməyib.
Hücum nəticəsində 22 nəfər həyatını itirib, 59 nəfər yaralanıb.
Den Koats
Terrorçu qrup "səlibçilər" adlandırdığı insanlara qarşı hücumun "xilafət əsgəri" tərəfindən törədildiyini bildirib.
Amerikanın Mərkəzi Kəşfiyyat Agentliyinin sabiq direktoru Robert Geyts deyib ki, hücumun məsuliyyətinin dərhal üzərinə götürülməsi onların məsuliyyət daşıdığını göstərir. O, hücumun ya İŞİD, ya da bu terror qrupunu dəstəkləyənlər tərəfindən planlaşdırıldığını bildirib.
Robert Geyts
ABŞ-ın kəşfiyyat rəsmiləri qrupun zəifləməsinə baxmayaraq, onun terroru təbliğ etdiyini deyir.
Ordu rəsmiləri qrupun Mosul və Rəqqada ələ keçirdikləri ərazilərin geri alındığını və qrupun xilafətinin məhvinə yaxınlaşıldığını bəyan edib.