Britaniya bazar ertəsi günü Hörmüz boğazında ABŞ-ın başçılıq etdiyi təhlükəsizlik missiyasına qoşulacağını bəyan edib.
İranın bu boğazda tankerləri ələ keçirməsi Qərblə gərginlikləri artırıb.
İranın xarici işlər naziri isə ABŞ-ın ona qarşı irəli sürdüyü sanksiyaları diplamatiyanın iflası adlandırıb.
Britaniyanın Müdafiə Nazirliyi bildirib ki, regiondakı mövcudluğunu artıracaq və Britaniyanın Kral dəniz piyadaları gəmiləri ABŞ gəmiləri ilə bərabər boğazdan keçən tankerləri müşayiət edəcək.
Britaniyanın bölgədə HMS Montrose və HMS Duncan HMS kimi dəniz piyadası qüvvələri var. HMS Montrose planlaşdırılan təmir işlərinə görə bu ayın sonunda regionu tərk etməlidir.
Vaşinqton bu yaxınlarda İraq və Yəmən sularının müdafiəsi, xüsusilə də körfəzin daşınma marşrutlarının qorunması üçün çoxmillətli hərbi koalisiya yaradılacağını bəyan edib.
Bu ölçü İran gəmilərinin Britaniyanın yanacaq daşıyan tankerinin Hörmüz boğazından keçməsinə mane olmaq cəhdindən sonra götürülür.
Daha sonra İran tərəfindən 23 heyətli tanker İranın İnqilab Keşikçiləri Korpusu tərəfindən Hörmüz boğazında ələ keçirilib.
Britaniya İranın Fars körfəzində fəaliyyət göstərən neft tankerinin ələ keçirilməsini “qərəzli addım”adlandırıb və Tehranın gəmini qəzaya uğradığına görə ələ keçirdiyinə dair izahatını rədd edib.
İranın İnqilab Keşikçiləri Korpusu internetdə Stena Impero tankerinə yaxın sürətli qayıqların yaxınlaşdığını göstərən video paylaşıb.
Helikopterdən gəminin göyərtəsinə maskalı və pulyemot daşıyan qoşunlar enib.
Almaniya İsveçə mənsub, Britaniya bayrağı altında idarə olunan Stena Imperonun sərbəst buraxılmasına çağırıb. Almaniya xarici işlər nazirliyi İranın gəmini ələ keçirməsini “onsuz da gərgin vəziyyətin daha da ağırlaşdırılması” adlandırıb.
Fransa da İranı gəmini buraxmağa çağırıb və bunun “körfəz regionunda gərginliyin azaldılmasını çətinləşdirdiyini” bildirir.
İranın xarici işlər naziri Məhəmməd Cavad Zərif ABŞ-ın ölkəsinə qarşı tətbiq etdiyi sanksiyaları “iqtisadi terrorizm” adlandırıb.
“ABŞ höküməti rəsmən bəyan edib ki, İran xalqı yemək istəyirsə, onlar siyasətlərini dəyişməlidir,” Zərif avqustun 5-də Tehranda keçirilən konfransdakı çıxışı zamanı deyib.