Gələcək Liderlər Mübadiləsi (FLEX) proqramının bu ilki qrupuna daxil olan 13 azərbaycanlı şagird bir il ərzində ABŞ-ın orta məktəblərində təhsil almaq üçün Bakıdan Vaşinqtona yola düşüb.
Bu barədə ABŞ-ın Azərbaycandakı Səfirliyi məlumat yayıb.
Məlumatda deyilir ki, Azərbaycanı ABŞ -da təmsil edəcək bu gənclər, gələcək 10 ay ərzində Amerika mədəniyyəti və dəyərləri ilə tanış olaraq, təkrarolunmaz təcrübə əldə edəcəklər.
Qeyri-rəsmi məlumatlara görə, müstəqillik dövründə ABŞ-da müxtəlif proqramlar üzrə 6 mindən çox azərbaycanlı təhsil alıb. Rəsmi statistika aparılmasa da müşahidəçilər hazırda ABŞ-da bir neçə yüz azərbaycanlının təhsilini davam etdirdiyini bildirir.