Cümə Avstraliyanın cənub-qərbində ucqar kənd evində silahla yaralanmadan ölən, dördü uşaq olmaqla, yeddi nəfərin cəsədi tapılıb. Polis deyir ki, bu, son 22 ildə ölkədə baş verən ən tələfatlı kütləvi atışma ola bilər.
Polis qurbanların hamısının həmin evdə yaşadığını bildirib.
Sübh saatlarında gələn telefon zəngindən sonra hadisə yerinə gedən polis, Avstraliyanın qərbində turist şəhəri Marqaret Riverin yaxınlığında 700 nəfər sakini olan Osminqton kəndindəki bir evdə yeddi cəsəd və iki silah aşkar edib.
Ailənin iki böyük üzvünün cəsədi binadan kənarda tapılıb, digərləri isə evin içində.
Polis ictimai təhlükəsizliyə hər hansı hədənin olduğunu bildirməyib. Bu isə silahlı şəxsin axtarılmadığına işarədir.