Avropa ölkələri yeni tədris ilində məktəbləri açmağa hazırlaşır

Avropa hökumətləri yeni tədris ili üçün yaxın günlərdə məktəbləri açmağa hazırlaşır. Belə ki, səhiyyə üzrə mütəxəssislər uşaqların təhsilini bərpa etmələrinin vacib olduğunu deyir. Altı ay əvvəl, mart ayında koronavirus pandemiyası başlayandan və məhdudiyyətlər tətbiq ediləndən bəri şagirdlərin əksəriyyəti məktəbə getmir. Lakin qitədə yoluxma halları hələ də artmaqda davam etdiyi üçün bəzi həmkarlar ittifaqları müəllimlərin təhlükəsizliyi ilə bağlı narahatlıqlarını ifadə edir.