ATƏT nümayəndəsi Cabbar Savalanlını əfvini Azərbaycanda ifadə azadlığı üçün həvəsləndirici addım kimi dəyərləndirir
ATƏT-in media azadlığı üzrə nümayəndəsi Dunya Miyatoviç “Facebook” sosial şəbəkəsinin gənc fəalı Cabbar Savalanlının əfv edilməsini alqışlayıb. “Mən prezident İlham Əliyevin Cabbar Savalanlını əfv edilməsini alqışlayıram və bunu Azərbaycanda ifadə azadlığı üçün həvəsləndirici addım kimi dəyərləndirirəm”, - deyə xanım Miyatoviç bildirib.
O, digər gənc fəal və bloger Bəxtiyar Hacıyevin də tezliklə azadlığa buraxılacağına ümid etdiyini bildirib.