Iranın paytaxtı Tehranda iki bomba hücumu nəticəsində bir nüvə alimi həlak olub, digəri isə yaralanıb. İranın Xarici İşlər Nazirliyi hücuma görə ABŞ və İsrailin casus agentliklərini günahlandırıb. İranın dövlət mediasının məlumatına görə, alimlər Şəhid Beheşti Universitetinə gedərkən motosiklitlər tərəfindən hücuma məruz qalıb. Nüvə alimi Məcid Şəhriyari həyat yoldaşının da olduğu maşınında öldürülüb. Digər nüvə alimi Firudin Abbasi də xanımı ilə bərabər olub. Onların hər ikisinin həyat yoldaşı hücum zamanı xəsarət alıb.