Arif Hacılı: Biz real siyasi fəaliyyətə üstünlük verməliyik [Audio]
Müsavat Partiyası Mərkəzi İcra Apparatının rəhbəri Arif Hacılı Amerikanın Səsinə müsahibədə Azərbaycanda hazırkı siyasi durumu və müxalifətin hərəkət planını müzakirə edib.
Cənab Hacılının fikrincə Müsavat-AXCP cütlüyünün təmsil olunduğu İctimai Palata nəzəri baxımdan müəyyən nailiyyətlər əldə etsə də, real siyasi fəaliyyət sarıdan aktivliyə ehtiyac var.
“Biz real siyasi fəaliyyətə daha çox üstünlük verməliyik. Həm Azərbaycan ictimaiyyətində həm də bütün dünyada səs-küyə səbəb olan tədbirlər keçirməliyik,” deyə Müsavat Partiyasının rəsmisi bildirib.
Onun sözlərinə görə 2011-ci il 2 aprel aksiyalarının ardınca ölkədə aparılan siyasi həbslər müxalifətin aksiyalardan çəkinməsinə rəvac verən əsas faktorlardan olub.
Cənab Hacılı payız aylarından başlayaraq müxalifətin öz səmərəliliyini artıracağına inandığını bildirib.