ABŞ Senatı yekdilliklə Leon Panettanı yeni müdafiə naziri vəzifəsinə təsdiq edib

ABŞ Senatı yekdilliklə Leon Panettanı yeni müdafiə naziri vəzifəsinə təsdiq edib.Bir zamanlar senator, Ağ Evin icra aparatının sədri olmuş və hazırda Mətkəzi Kəşfiyyat İdarəsinin direktoru olan Panetta təqaüdə çıxan Robert Geytsi əvəz edəcək. Bu ayın əvvəli Senatın Silahlı Qüvvələr Komitəsində nominasiyası ilə bağlı dinləmələrdə danışan Panetta deyib ki, onun Pentaqonda ilk vəfizəsi Amerikanın İraq və Əfqanıstan da daxil olmaqla, cəlb olunduğu münaqişələrdən çəkilməsi və Liviya əməliyyatlarında məhdud rol oynamasını təmin etməkdən ibarət olacaq. Senatın Silahlı Qüvvələr Komitəsinin rəhbəri Karl Levin onu dərrakəli və mətin şəxsiyyət adlandırıb.