Amerikanın Veternlarla Əlaqələr Departamenti veteranların müalicəsini çətinləşdirən qanunu ləğv edib
ABŞ prezidenti Barak Obama müharibə veteranlarının travmalardan sonra yaşadıqları əqli xəstəliklərin müalicəsinin asanladırıldığını bildirib. Həftəlik radio müraciəti zamanı prezident deyib ki, Amerikanın Veternlarla Əlaqələr Departamenti veteranların müalicəsini çətinləşdirən qanunu ləğv edib. İndi veteranlar xəstəliklərinə səbəb olan dəlilləri göstərməli olmayacq. ABŞ dövlət başçısı veteranlarının səhiyyə imtiyazlarının artırılacağını və müharibədən qayıtdıqdan sonra veteranların evsizlik probleminin həll ediləcəyini bildirib. Amerikanın RAND korporasiyasının hesabatına görə, İraq və Əfqanıstan müharibələrinin hər 5 veteranından biri ciddi depressiya və ya əqli xəsliyə malikdir.