ABŞ Dövlət Departamenti səfir Robert Bradtkeni ATƏT-in Minsk qrupuna yeni həmsədr təyin edib. Dövlət Departamentinin mətbuat katibi İan Kellin bildirib ki, diplomatik xidmətdə otuz altı illik stajı olan Robert Bradtke Avropada təhlükəsizlik siyasəti üzrə böyük təcrübəyə malikdir.
Robert Bradtke bu ilin iyulunadək ABŞ-ın Xorvatiyada səfiri olub. Bundan öncə isə Dövlət katibinin Avropa və Avrasiya üzrə müavininin NATO və ATƏT məsələləri üzrə köməkçisi vəzifəsində çalışıb.
Mətbuat katibi həmsədrin təyinatı ilə bağlı Azərbaycan və Ermənistan hökumətlərinin məlumatlandırıldığını deyib.
R.Bradtke yaxın zamanda bölgəyə səfər edəcək.
