Türkiyənin baş naziri Receb Teyyub Ərdoğan Avropa Birliyinin Türkiyənin Kiprin yunan bölgəsinin rəsmən tanınması tələbini rədd edib. Türkiyə rəsmiləri bunu Brüssel görüşündən sonra elan edibər. Xatırladaq ki, görüş Türkiyənin baş naziri ilə Avropa Birliyi komissiyasının prezidenti Xose Manuel Barroso arasında keçirilirdi. Liderlərin danışıqları Avropa liderlərinin sammitindən bir həftə əvvələ salınmışdı. Belə ki, Türkiyənin Avropa Birliyinə üzvlüyü ilə bağlı müzakirələrə başlamazdan əvvəl Türkiyənin Kiprlə bağlı mövqeyini dəyişəcəyinə ümid edilirdi.
