Fransa və İspaniyanın səlahiyyətli nümayəndələri tərəfindən Bask separatistləri olduqlarından şübhələnilən 18 adam həbs edilib. Fransanın cənub-qərb bölgəsində həyata keçirilən birgə əməliyyat nəticəsində silah və partlayıcı maddələr, habelə böyük məbləğdə pul aşkar edilib. Həbslərin birinin İspaniyada, qalanlarının isə Fransa ərazisində həyata keçirildiyi bilrilir. Onlardan ikisinin 1990-cı illərdən qeyri-qanuni şəkildə Fransada yaşayan ETA separatist qrupunun veteran liderləri olduğu xəbər verilir.
