Azərbaycan Apellyasiya məhkəməsində keçmiş Xüsusi Təyinatlı Polis Dəstəsinin Qazax bölməsinin bir qrup əməkdaşının təkrar məhkəməsi davam edib.1995-ci ilin martında baş vermiş dövlət çevrilişinə cəhddə günahlandırılan 11 müttəhimdən 3-ü Avropa Şurasının ekspertlərinin siyasi məhbus siyahısına daxildir. Milli Məclis "Dövlət sirri haqqında" qanun layihəsinin müzakirəsinə başlayıb. Bir çox deputat sənədin məlumat azadlığını məhdudlaşdiracağını bildirib. Qazaxıstanda Azərbaycanın 3 balıqçı gəmisi saxlanıb. Gəmilərin birindən 6 ton nərə balığı götürülüb.