Konqres liderləri Buş administrasiyasından sentyabrın 11-i terror aksiyaları ilə bağlı hesabatın təsnif edilmiş hissələrini açıqlamağa çağırırlar. Respublikaçı senator Riçard Şelbi NBC televiziya ilə çıxışında hesabatın 28 səhifəlik bölümünün açıqlamasının vacibliyini qeyd edib. Qeyd edək ki, iki aparıcı demokrat lider də hesabatın bu bölməsinin nəşr edilməsinin tərəfdarıdır. Bu bölmədə terror aksiyaları həyata keçirənləri dəstəkləyən və onları maliyyə vəsaiti ilə təmin edən ölkələrin adı çəkilir.
