Birləşmiş Ştatların N-B-C televiziya şirkətinin müxbiri 39 yaşlı David Bloom bu gün ağ çiyərindən qan axma nəticəsində İraqda vəfat etmişdir. O, İraq müharibəsi haqda N-B-C televiziyasında canlı verilişlər yayırdı. Verilən mə’lumatlara görə indiyə qədər İraq müharibəsində beş müxbir həlak olub. Onların arasında İranın ştatda olmayan və Britaniya televiziyasına işləyən tele-operator Kavə Gülüstan da var. Associated press bildirir ki, Tehranda Kavənin dəfn mərasimində minlərlə adam iştirak etmişdir. O, çərşənbə günü Şimali İraqda mina partlayışı nəticəsində həlak olmuşdur.
