Birləşmiş Ştatların hərbi vertolyotu Əfqanıstanda Baqram hava limanından şərq tərəfdə qəzaya uğrayıb. İtkilərin olduğu xəbər verilir. Müdafiə nazirliyi Blakhok tipli vertolyotun adi məşq keçirdiyini və belə görünür, düşmən atəşinə hədəf olmadığını bildirib. Hələlik hadisə ilə bağlı detallar açıqlanmayıb. Bu gün səhər isə Amerika hərbi qüvvələrinin bildirdiyinə görə, Birləşmiş Ştatların və Əfqanıstanın hərbi qüvvələri Kabildə ABŞ və beynəlxalq obyektlərə hücum hazırladıqları ehtimal olunan üç nəfəri həbs ediblər. Həbs edilənlərin üzərində partlayıcı və bomba hazırlamaq üçün müxtəlif maddələr aşkar edilib.
