<!-- IMAGE -->ABŞ Dövlət Katibi Hillari Klinton deyir ki, Vaşinqton nüvə silahlı İranı qəbul etməyəcək və irana qarşı tətbiq ediləcək yeni sanksiyalar Tehranın məqsədinə nail olmasının qarşısını alacaq. Nüfuzlu İsrailpərəst lobbiçi qrupu qarşısında hazırladığı nitqdə Klinton deyir ki, Obama administrasiyasının məqsədi İrana qarşı “tədrici” sanksiyaların tətbiqi deyil. Onun sözlərinə görə yeni sanksiyalar İran liderlərinə göstərəcək ki, onların dünya ictimaiyyətinə arxa çevirməsinin fəsadları olacaq. Vaşinqton və onun avropalı müttəfiqləri BMT Təhlükəsizlik Şurasında İrana qarşı dördüncü raund sanksiyaların tətbiqinə çalışır.
