Prezident 72 məhbusu  əfv edib, 1 jurnalist də əfvə düşüb 

Prezident İlham Əliyevin 72 nəfər məhkumu əfv edib. Onların arasında “Azadlıq” qəzetinin baş redaktoru Qənimət Zahid də var.
Prezident 62 nəfər azadlıqdan məhrum etmə cəzasına məhkum edilmiş şəxsi, 7 nəfər azadlığın məhdudlaşdırılması cəzasına məhkum edilmiş şəxsi cəzanın çəkilməmiş hissəsindən, 1 nəfər azadlıqdan məhrum etmə cəzasına məhkum edilmiş və cəzasının çəkilməsi təxirə salınmış hissəsindən azad edib. Eyni zamanda, 1 nəfər cərimə cəzasına məhkum edilmiş şəxs cəzadan azad edilib, 1 nəfər isə ömürlük həbs cəzasına məhkum edilmiş şəxsin cəzası 20 ilə endirilib.
Hüquq müdafiəçiləri əfvi müsbət qiymətləndirib. Ancaq onlar, ölkədə siyasi məhbus probleminin qaldığını bildirir.